თუშური გუდის ყველის ფესტივალი

დიდი სიხარულით გიწვევთ 11 ოქტომბერს „თუშური გუდის ყველის ფესტივალზე“, რომელიც გაიმართება ახმეტის მუნიციპალიტეტის სოფელ ქვემო ალვანში, აგროტურისტული მეურნეობის, „ითაბანის“ ულამაზეს სივრცეში, ალავერდის მონასტრიდან დაახლოებით 5 კმ-ში https://maps.app.goo.gl/tpNT1nkm7iqd6i7N6

ფესტივალი გაიმართება 12:00–17:00 საათებში.

ფესტივალის ფარგლებში დაგხვდებათ:

1. ფერმერთა ბაზრობა - 25-ზე მეტი ფერმერი წარმოგიდგენთ თუშეთში დამზადებულ ცხვრისა და ძროხის გუდის ყველს, ასევე ხმელ კალტს, ჩოგს, ერბოსა და კარაქს;
2. მეწარმეთა ბაზრობა - 25-ზე მეტი ადგილობრივი ხელსაქმის ოსტატი საკუთარ ნამუშევრებსა და პროდუქტებს შემოგთავაზებთ;
3. თუშური გუდის ყველის კონკურსი - პროფესიონალი ჟიური გამოავლენს საუკეთესო ცხვრისა და ძროხის გუდის ყველს;
4. საბავშვო კუთხე - სხვადასხვა გასართობი აქტივობით;
5. კულინარიული მასტერკლასი - თუშური გუდის ყველისგან მომზადებული კერძებით;
6. საკვები კუთხეები - ხინკალი, კოტორი, მწვადი და სხვა ადგილობრივი კერძები, ასევე „ითაბანის“ ნატურალური ღვინოებისა და თუშური ალუდი.
7. თუშური ფოლკლორი და ქორეოგრაფია - ანსამბლების „კესელო“, „გენია“, „ფოლკლორის სახლი“ და სხვათა მონაწილეობით.

ფესტივალი შესანიშნავი შესაძლებლობაა, ერთ სივრცეში გაიცნოთ თუშური გემო, კულტურა, ტრადიციები და ყოფა-ცხოვრება.

ფესტივალზე დასწრება თავისუფალია.

როგორც თუშები იტყვიან: "სტუმრის მოისე მზე მოვა, წაისე — შავი ღრუბელი.“